Alcazar Energy Partners најавува нова инвестиција изградба на Ветерен Парк од 400 MW во Македонија

По успешното завршување на инвестицијата AEP-II вредна 490 милиони долари, Alcazar Energy Partners објави планови за нов проект за ветерна енергија од 400 MW во Македонија.

AEP-II е основан со цел да промовира тековно социјално, еколошки и економско влијание преку добро осмислени, финансиски и оптимално оценети проекти за обновлива енергија на одредени пазари во развој.

Alcazar Energy Partners има за цел да развие најголема платформа за обновливи извори на енергија во Западен Балкан, со инвестиција од над 500 милиони долари во ветерна електрана со капацитет од 400 мегавати. Локации за повеќе  од 50 турбини, ќе бидат поставени во општините Карбинци, Радовиш и Штип, кои се наоѓаат јужно од главниот град, Скопје.

Овој проект значително ќе го зголеми капацитетот на ветерна енергија во Македонија, каде моментално постојат само две мали ветерни електрани, со уште две во изградба. Со новата инвестиција, капацитетот на ветерната енергија во земјата ќе се зголеми речиси повеќе од пет пати. Alcazar Energy Partners очекува финансиското затворање и почетокот на изградбата да се случат во втората половина на 2025 година.

Во врска со овој проект Даниел Калдерон, ко - основач и Управен Директор на Alcazar Energy изјави:

“Возбудени сме што ќе започнеме голем проект на ветерни електрани во Западен Балкан, обезбедувајќи и на Северна Македонија чиста, достапна електрична енергија и создавање локални работни места. Алказар Енерџи ја гледа Северна Македонија како перспективна локација за инвестирање во обновлива енергија. Со нетрпение очекуваме да соработуваме со владата и засегнатите страни за изградба на најголемиот ветерен парк во земјата, со што значително ќе го зголемиме нејзиниот капацитет на произведена електрична енергија од ветер. Нашата посветеност на принципите на ESG и развојот на обновливите извори на енергија ја нагласува нашата посветеност на одржлива инфраструктура на пазарите во развој“. - изјави Даниел Калдерон

Со оглед на мрежното поврзување на Македонија со Грција, Бугарија, Србија и Косово, новиот проект ќе помогне во намалување на енергетскиот дефицит и ќе ја поддржи транзицијата кон обновлива енергија во Западен Балкан и Југоисточна Европа. Alcazar Energy Partners истакна дека планира да развие над 1,6 GW проекти за чиста енергија, со што ќе се намалат емисиите на три милиони тони стакленички гасови годишно и ќе се привлечат 2 милијарди долари директни странски инвестиции на клучните пазари во развој.