Иновативни смарт батериски системи: интелигентни решенија за складирање на вишок електрична енергија

Смарт батериските системи за складирање на електрична енергија играат клучна улога во модерниот енергетски пејзаж преку подобрување на ефикасноста, доверливоста и одржливоста на снабдувањето со електрична енергија. Со интелигентно управување кога и како се користи складираната енергија, тие помагаат да се балансира мрежата, да се намали зависноста од фосилни горива и да се ублажат последиците од прекините на електричната енергија.

Групацијата Феро Инвест го претстави новото софтверско решение, кое беше развивано во текот на последните две години од инжењерскиот тим на компанијата и се фокусира на паметно складирање и управување со енергијата од батериски системи.

Ова креативно решение е направено за да ги задоволи барањата на бизнисите, домовите и електраните кои користат сончева енергија. Батериите се користат за складирање на електрична енергија што не се троши веднаш откако ќе се генерира, обезбедувајќи енергетска независност и значителни заштеди на енергија. Примената на ова решение е особено погодна за периоди кога се појавуваат вишоци на електрична енергија поради поголеми броеви на фотонапонски панели, осигурувајќи можност за купување на електрична енергија по ниски цени и користење на складираната енергија во периоди кога цените се поскапи.

Професорот и извршен директор на Феро Инвест, проф. д-р Кочо Анѓушев, истакна дека инсталирањето на батериски системи може да доведе до значително намалување на сметките за електрична енергија за домаќинства и мали бизниси, со можност за заштеда и до 98%. Феро Инвест го објави ова соопштение на настанот организиран од Стопанската комора, кога беше објавена и кредитната линија на Европската инвестициска банка за национални инвестиции во обновливи извори на енергија.

Преземено од: линк